幼犬照護指南

back PC back m
kvBtn

健康是需要被呵護
精心調配的營養建立天然防護力

Royal Canin®寵物食品
擁有50年營養經驗的專家

#幼犬照護指南

幼犬成長階段

note

超小型犬

小型犬

中型犬

大型犬

6月齡

6.5月齡

7月齡

8月齡

10月齡

12月齡

15月齡

6

6.5

7

8

10

12

15

第一階段

幼犬骨骼結構與內臟器官的成長期:
高能量需求
消化系統仲喺到發育緊,避免佢個胃嘅負擔太大,將佢每日所需嘅分做三餐畀佢。
免疫系統仲未成熟,飲食一定要包含特定嘅抗氧化物同益生菌,幫助佢發展自然抵抗力。

第二階段

幼犬體重去到預期成犬體重嘅80%:
肌肉成長
能量需求下降
消化系統慢慢成熟,每日餵兩至三餐。
適合做絕育嘅時間點

product

幼犬營養計劃

dog pic

了解狗狗嘅消化系統

狗狗嘅口水入面無消化酵素,而佢嘅胃酸又比人類犀利,所以佢嘅消化速度好快,嚟唔切吸收嘅食物就會大量咁出現喺大便入面。
狗狗大腸入面嘅菌種多樣性比人類嘅少,所以唔適合畀佢太多種類嘅飲食㗎!
大型犬嘅消化系統會比小型犬嘅敏感,因為佢嘅消化系統只係佔咗體重嘅大約2.7%,而小型犬嘅消化系統就有體重嘅大約7%。

pic

幼犬所需營養

大型犬種幼犬

dog

喺重要嘅成長階段,大型犬種幼犬比較容易出現營養方面嘅問題。成長過程好長(對大型犬嚟講大約係18個月到2年),而且分做兩個唔同嘅階段,首先係骨骼嘅成長,然後再到肌肉嘅生成。
因為骨骼嘅快速生長,大型犬種幼犬會比小型犬種幼犬有更大嘅磷鈣補充需要。
如果幼犬嘅體重增長得太快,會對成長緊嘅骨骼造成負擔,有可能對成年之後嘅健康形成傷害,造成嚴重嘅後果。所以,過度餵食大型犬種幼犬會令佢哋快速增重,可能會導致患有骨關節嘅疾病。
大型犬種嘅消化系統會比小型犬種嘅脆弱,係因為大型犬種嘅消化道佔佢體重嘅相對比例較細。

小型犬種幼犬

dog

對小型犬種幼犬嚟講,體脂會喺戒咗奶之後就開始增加,而且喺成長過程入面過量嘅食物會對脂肪儲存細胞嘅產生起到加乘作用。餵得太多,特別係零食類,容易令到幼犬之後會有肥胖症。而養成唔鍾意運動呢種生活習慣嘅小型犬就會增加肥胖嘅風險。

幼犬嘅飲食

幼犬同成犬唔一樣

幼犬喺成長時期嘅每一個細節都會對佢嘅發展有重大嘅影響。了解幼犬成長時期每個階段嘅需求係好重要㗎。
Royal Canin®用超過50年嘅專業營養經驗,用心調配出確保幼犬可以獲得各個成長階段所需要嘅專屬營養。精選嘅蛋白質、礦物質同必需維他命等,可以幫助體格發展、維護腸胃健康同埋加強成長階段嘅天然抵抗力。Royal Canin®幼犬系列產品亦針對每隻唔同體型嘅幼犬,度身打造獨特嘅營養需求。

Royal Canin®幼犬

幼犬喺年幼期、幼年期、青少時期嘅成長階段會慢慢變得鍾意交際。喺呢個時期亦會接觸到其牠嘅動物、環境,咁就有可能會造成健康方面嘅風險。喺呢個階段入面,擁有一個強大嘅自然防禦系統對幼犬嚟講係好重要㗎。我哋獨家嘅配方有專利嘅抗氧化複合物,包括維他命E,幫助幼犬每一步嘅成長。

feed1

幼犬的飲食

畀幼犬食啱嘅食物
接幼犬返屋企嗰陣,我應該畀啲咩佢食呢?

為咗避免影響佢特別脆弱嘅消化系統,應該盡量畀一啲同佢嚟之前一樣嘅食物。然後再慢慢改變飲食:喺為期一個星期嘅過渡期入面,你可以混合新同舊嘅食物。
根據狗狗唔同嘅成長階段提供唔同嘅營養需要畀佢,Royal CaninⓇ寵物食品提供專屬嘅顆粒同埋營養配方,特別適合幼犬唔同時期嘅成長需要。為咗等幼犬有最好嘅生長狀態,應該跟返包裝袋後面嘅建議餵食。
轉換飲食對避免消化不良問題有好好嘅幫助,轉換嘅過程可以喺一星期入面完成。

飲食轉換有助於避免消化不良的問題,轉換的過程可於一週內完成。
feed1
feed1
feed1
feed1

幼犬的飲食

點樣幫你嘅幼犬做最好嘅營養選擇?

啱啱返到屋企嘅幼犬應該餵啲咩嘢食?

為咗避免影響幼犬脆弱嘅消化系統,一開始應該盡量畀啲同佢嚟之前一樣嘅食物;如果你想做改變,建議畀幼犬一個星期嘅轉換期,呢段時間可以摻住新同舊嘅食物嚟餵養幼犬。
Royal Canin®提供畀幼犬專屬嘅顆粒同營養配方,根據唔同年齡就畀唔同嘅成長需要,為咗等幼犬有最好嘅成長狀態,應該跟返包裝袋後面嘅建議餵食。

應該喺咩時候餵幼犬?

狗係群居嘅動物,需要講清楚屋企嘅規矩,為咗等你嘅幼犬明白喺屋企嘅食飯規矩,你要喺一個固定嘅地方餵食,同埋等你同屋企人食完飯之後再餵佢;喺幼犬食飽之後嗰兩個鐘內,要盡量避免幼犬做劇烈運動,如果佢想同你玩嘅話,先唔好理佢住啊。

幼犬可唔可以食人類嘅食物?

千祈唔好啊!因為人類係雜食性嘅動物,但係你嘅狗狗唔係呀!
狗狗嘅下顎係用嚟剪碎食物,唔似得人類係用嚟咀嚼,狗狗嘅口水入面亦無消化酵素,因為咁,所以需要強健嘅胃,而狗狗嘅腸道比較短,係大腸入面,菌嘅種類亦比人類少。呢啲原因都代表如果突然之間改變飲食,狗狗嘅腸胃好有可能會唔舒服。所以成日變化嘅飲食只適合人類,但係完全唔適合狗狗㗎!

幼犬的飲食

點樣幫你嘅幼犬做最好嘅營養選擇?
feed1

係咪安全?

安全係所有主人嘅首要考慮因素,我哋必須要完全確定「唔會造成傷害」

係咪有營養?

每隻狗狗都有獨特嘅營養需要,飲食需要畀到佢哋必需要嘅營養素

係咪適合佢?

營養成份係咪針對佢獨特嘅需要去做出調整?幼犬嘅成長過程入面,每一個階段都好重要㗎!精準嘅營養係幼犬健康成長嘅關鍵!

點樣照顧幼犬

生活習性

你的幼犬剛抵達一個全新的環境,需要認識新的家庭成員、家中其他寵物,請不要激動的興高采烈,盡量讓牠自己在感覺舒適的狀況裡探索,選擇牠感到舒服的空間。

如何準備幼犬的日常活動空間?

dog

必須的生活用品

pic

睡窩

加上舒適柔軟的床墊,能讓幼犬感到安全。第一個晚上,你可以在牠窩內放有一點狗媽媽氣味的碎布

pic

狗帶

等佢細細個就養成習慣,教佢行喺你嘅身邊。帶頸圈嗰陣,確保佢舒服,同埋唔會喺個頭度甩出嚟。

pic

玩具

讓幼犬不會咬你的家具或你的東西。你可以買一些玩具來讓牠咬。如果你給牠一根骨頭,請不要讓牠無人看管,避免發生危險。

pic

兩個餵食碗

一個用於犬糧和一個更大的碗來放置飲用水。

pic

梳剪工具

定期疏理可以等幼犬習慣俾人摸。可以趁梳毛嘅時候檢查吓有無隱藏嘅傷口或者寄生蟲。同時建立大家嘅信任感,要保證梳剪工具適合你嘅幼犬毛髮型態。

佈置專屬的小角落

Furniture

幼犬需要有自己嘅空間。幼犬嘅竇應該要喺個安靜同安全嘅地方,遠離門窗,等佢唔好有掌握哂全家人出入嘅印象。為咗培養佢嘅穩定性同良好居家習慣,請唔好隨便改變竇嘅地方。

幼犬食飯嘅時間同地點應該同屋企人唔一樣,揀一個佢專屬嘅位置,喺固定嘅時間餵食。

幼犬需要大量嘅睡眠時間,請唔好打擾正喺度訓緊覺嘅幼犬。

帶幼犬看獸醫

幼犬返到屋企之後,要盡快安排狗狗去獸醫診所做第一次嘅檢查。就算幼犬睇落去好健康,但係喺成年之前,都要持續做定期嘅健康檢查、基本護理、體重監察、疫苗接種同驅蟲。幼犬時期嘅健康係成犬健康嘅基礎!
獸醫除咗臨床檢查之外,都需要參考幼犬平時嘅飲食同埋生活習慣等嘅相關資料,先至做到準確嘅健康判斷。

1

喺睇醫生之前做好食物相關資訊嘅筆記(品牌、份量等)。同埋記錄低所有你觀察到嘅異常現象(食慾、排便、行為等)。

2

建議用事先準備好有特別設計嘅出街籠嚟帶你嘅幼犬去街,可以等佢哋覺得放心同安全啲。同埋要記得,對幼犬嚟講,移動本身係充滿壓力嘅經驗,而且佢哋會感覺到你嘅焦慮。

3

喺候診室嘅時候,幫你嘅幼犬戴上狗帶。如果佢哋表現得太興奮,就放返佢入出街籠。

4

如果你嘅幼犬喺檢查枱上面覺得驚,佢哋會變得有攻擊性同埋有屙尿嘅行為出現。趁佢哋放鬆嘅時候適當咁摸下佢。呢啲情況下你可以信任你嘅獸醫,因為對獸醫嚟講,呢啲行為一早就已經見慣哂。

dec pic

了解你的幼犬

幼犬的醫療保健幼犬是否需要任何特定的醫療保健?

係!幼犬只要一到屋企,就需要做四樣野:

植入晶片:萬一狗狗唔見咗或者偷走出去,植入咗晶片對於搵返係有好大幫助㗎!

接種疫苗:疫苗可以增強狗狗嘅天然防護力,獸醫會喺適當嘅時候建議打針。

外寄生蟲治療:幼犬係跳虱同壁虱嘅重要目標,呢啲寄生蟲會危害幼犬嘅皮膚同埋毛髮,記得保護好你嘅幼犬唔好俾寄生蟲傷害啊!

驅蟲:幼犬通常都會有寄生蟲,一般都係一個月驅一次蟲,直到六個月大,之後每六個月驅一次蟲。

絕育手術幼犬大個咗之後到底要唔要絕育?

為咗狗狗好,梗係要帶佢去絕育啦!
因為:

無絕育嘅狗狗生殖器病變機率會有五成以上

可以減少佢哋為咗搵另一半而離家出走嘅機會

降低因為霸地盤而到處屙尿嘅情況

而家動物絕育手術已經相當成熟,做手術之前建議要求醫生做埋抽血同身體檢查,將風險降到最低。

幼犬的社會化我應該跟我的幼犬一起玩嗎?

冇錯!幼犬係前幾個月嘅生活需要大量睡眠,盡量唔好阻住佢哋瞓覺,但係佢哋仲好後生,喺清醒嘅時候都需要做吓運動,以下呢幾種方式可以俾你同你嘅幼犬一齊玩:

遊戲:玩係狗狗嘅天性,亦都有助佢哋嘅心理發展。而且可以建立你哋之間嘅連結,加深大家嘅關係。

戶外活動:每日帶幼犬出街行吓十分重要,唔單止可以等佢哋覺得放鬆,仲可以喺活動期間訓練社會化行為。

散步:散步對幼犬嘅心理健康相當重要,要避開馬路同埋要戴狗帶,可以幫佢哋熟悉環境同埋確保佢哋唔會走甩。

游水:所有嘅狗狗天生都識游水,但唔代表佢哋都鍾意係水入面活動㗎!特別要注意,如果你嘅幼犬係喺海入面玩水,建議上岸之後要做好清潔,唔好將海鹽殘留喺皮膚同毛髮上面啊。

訓練你嘅幼犬幼犬訓練嘅基礎規範

就喺啱啱入屋嗰陣,幼犬嘅訓練就開始咗喇!

調整講嘢嗰時聲音嘅強度同聲調,佢擁有敏銳嘅聽覺,對你嘅用字同聲氣相當敏感。

佢可以好易分辨到鎮定、開心或者嬲嘅語氣,所以唔使突登講大聲啲嚟傳達訊息,堅定又簡潔咁表達你想講嘅說話。

對佢落命令嘅時候,一定要用一樣嘅字句同堅定嘅語氣,加上配搭一樣嘅手勢。啱啱開始嗰陣建議用簡單啲嘅字同不斷重複,直到佢明白為止。

當佢表現得唔錯嘅時候,可以摸下佢或者用溫柔又友善嘅語氣畀啲鼓勵佢。喺幼犬訓練階段嘅初期可以畀少少零食,但係之後就只可以喺特定嘅時候畀零食佢,咁先可以保持理想嘅體態!

※記得千祈唔好畀人類嘅零食同朱古力畀屋企嘅寵物食啊!

dog

健康是需要被呵護
精心調配的營養建立天然防護力

Royal Canin®提供幼犬專屬的營養